Древнерусская литература


СЛОВО О БРАЖНИКЕ, КАКО ВНИДЕ В РАЙ

      Бысть неки бражник, и зело много вина пил во вся дни живота своего, а всяким ковшом Господа Бога прославлял, и чясто в нощи Богу молился. И повеле Господь взять бражникову душу, и постави ю у врат святаго рая Божия, а сам ангел и прочь пошел.
      Бражник же начя у врат рая толкатися, и приде ко вратам верховный апостол Петр, и вопроси: «Кто есть толкущися у врат рая?» Он же рече: «Аз есмь грешны человек бражник, хощу с вами в раю пребыти». Петр рече: «Бражником зде не входимо!» И рече бражник: «Кто ты еси тамо? Глас твой слышу, а имени твоего не ведаю». Он же рече: «Аз есть Петр апостол». Слышав сия бражник, рече: «А ты помниши ли, Петре, егда Христа взяли на распятие, и ты тогда трижды отрекся еси от Христа? О чем ты в раю живеши?» Петр же отъиде прочь посрамлен.
      Бражник же начя еще у врат рая толкатися. И приде ко вратом Павел апостол, и рече: «Кто есть у врат рая толкаетца?» — «Аз есть бражник, хощу с вами в раю пребывати». Отвеща Павел: «Бражником зде не входимо!» Бражник рече: «Кто еси ты, господине? Глас твой слышу, а имени твоего не вем».— «Аз есть Павел апостол». Бражник рече: «Ты еси Павел! Помниш ли, егда ты первомученика Стефана камением побил 1? Аз, бражник, никово не убил!» И Павел апостол отъиде прочь.
      Бражник же еще начя у врат толкатися. И приде ко вратом рая царь Давыд: «Кто есть у врат толкаетца?» — «Аз есть бражник, хощу с вами в раю пребыти». Давыд рече: «Бражником зде не входимо!» И рече бражник: «Господине, глас твой слышу, а в очи тебя не вижу, имени твоего не вем».— «Аз есть царь Давыд». И рече бражник: «Помниши ли ты, царь Давыд, егда слугу своего Урию 2 послал на службу и веле ево убити, а жену ево взял к себе на постелю? И ты в раю живеши, а меня в рай не пущаеши!» И царь Давыд отъиде прочь посрамлен.
      Бражник начя у врат рая толкатися. И приде ко вратом царь Соломон: «Кто есть толкаетца у врат рая?» — «Аз есть бражник, хощу с вами в раю быти». Рече царь: «Бражником зде не входимо!» Бражник рече: «Кто еси ты? Глас твой слышу, а имени твоего не вем».— «Аз есмь царь Соломон». Отвещав бражник: «Ты еси Соломон! Егда ты был во аде, и тебя хотел Господь Бог оставити во аде, и ты возопил: Господи Боже мой, да вознесетца рука Твоя, не забуди убогих своих до конца! А се еще жены послушал, идолом поклонился 3, оставя Бога жива, и четыредесять лет работал еси им! А я, бражник, никому не поклонился, кроме Господа Бога своего. О чем ты в рай вшел?» И царь Соломон отъиде прочь посрамлен.
      Бражник же начя у врат рая толкатися. И приде ко вратом святитель Никола: «Кто есть толкущися у врат рая?» — «Аз есть бражник, хощу с вами в раю во царствие внити». Рече Никола: «Бражником зде не входимо в рай! Им есть мука вечная и тартар неисповедим!» Бражник рече: «Зане глас твой слышу, а имени твоего не знаю, кто еси ты?» Рече Никола: «Аз есть Николай». Слышав сия, бражник рече: «Ты еси Николай! И помниш ли: егда святи отцы были на Вселенском соборе и обличяли еретиков, и ты тогда дерзнул рукою на Ария 4 безумнаго? Святителем не подобает рукою дерзку быти. В законе пишет: не уби, а ты убил рукою Ария треклятого!» Николай, сия слышав, отъиде прочь.
      Бражник же еще начя у врат рая толкатися. И приде ко вратом Иоанн Богослов, друг Христов, и рече: «Кто у врат рая толкаетца?» — «Аз есть бражник, хощу с вами в раю быти». Отвещав Иоанн Богослов, друг Христов, и рече: «Бражником есть не наследимо Царство Небесное, но уготована им мука вечная, что бражником отнюдь не входимо в рай!» Рече ему бражник: «Кто есть тамо? Зане глас твой слышу, а имени твоего не знаю».— «Аз есть Иоанн Богослов». Рече бражник: «А вы с Лукою написали во Евангели: друг друга любяй. А Бог всех любит, а вы пришельца ненавидите, а вы меня ненавидите, Иоанне Богослове! Либо руки своея отпишись, либо слова отопрись!» 5 Иоанн Богослов рече: «Ты еси наш человек, бражник! Вниди к нам в рай». И отверзе ему врата.
      Бражник же вниде в рай и сел в лутчем месте. Святи отцы почяли глаголати: «Почто ты, бражник, вниде в рай и еще сел в лутчем месте? Мы к сему месту не мало приступити смели». Отвеща им бражник: «Святи отцы! Не умеете вы говорить з бражником, не токмо что с трезвым!»
      И рекоша вси святии отцы: «Буди благословен ты, бражник, тем местом во веки веков». Аминь.

ПРИМЕЧАНИЯ

      Древнерусская повесть на распространенный в фольклоре и литературе многих народов мира сюжет: умный простак (в данном случае — бражник, то есть пьяница) своими остроумными репликами ставит в тупик мудрецов. В «Повести...» бражник укоряет за совершенные проступки почитаемых праведников: апостолов, царей Давида и Соломона, святого Николу — и они вынуждены допустить его в рай.

1 Апостол Павел (см. Словарь), бывший первоначально ревностным гонителем христиан, участвовал в расправе над первым мучеником за Христа — Стефаном.
2 В Библии рассказывается, как Давид (см. Словарь), пораженный красотой Вирсавии — жены своего военачальника, отсылает того на войну, а после его гибели делает Вирсавию своей женой.
3 Соломон (см. Словарь) — здесь вспоминается, видимо, легенда
о том, как Христос, снизойдя в ад, выводит оттуда библейских пророков и праведников. Библия рассказывает, что Соломон под влиянием своих жен — урожениц различных стран — стал поклоняться почитаемым ими богам.
4 Николай Мирликийский — византийский святой, чрезвычайно почитаемый на Руси. Существовало предание, что на церковном соборе в споре с Арием, которого церковь считала еретиком, Николай ударил его по щеке.
5 Иоанн Богослов и Лука — евангелисты.


О чем — почему же.
Четыредесять — сорок.


<<Предыдущий раздел
<Содержание>
Следующий раздел>>